‏شوبز لیبل والی اشاعتیں دکھا رہا ہے۔ سبھی اشاعتیں دکھائیں
‏شوبز لیبل والی اشاعتیں دکھا رہا ہے۔ سبھی اشاعتیں دکھائیں

سشانت سنگھ کی فرانزک رپورٹ آگئی، اہم انکشافات






چینائی: ابھرتے ہوئے بھارتی اداکار سشانت سنگھ کی لاش کی فرانزک رپورٹ تفتیشی افسر کے حوالے کردی گئی ہے جس میں کئی اہم انکشافات کیے گئے ہیں اور کچھ غلط فہمیوں کو بھی مسترد کردیا گیا ہے۔


بھارتی میڈیا کے مطابق آل انڈیا انسٹیٹیوٹ آف میڈیکل ریسرچ نے سُشانت سنگھ راجپوت کی موت سے متعلق تفصیلی میڈیکل رپورٹ سی بی آئی کے حوالے کردی ہے، رپورٹ میں اس بات کی تصدیق کی گئی ہے کہ موت کی وجہ ’’گلے کا پھندا‘‘ ہے۔ اس کے علاوہ جسم پر تشدد کا کوئی نشان نہیں اور نہ ہی زبردستی کرنے کے شواہد ملے ہیں۔


یہ خبر بھی پڑھیں : سشانت خودکشی کیس میں ڈرامائی موڑ، ریا چکروتی گرفتار

ایمز کے فرانزک بورڈ کے سربراہ ڈاکٹر سُدھیر نے رپورٹ کے حوالے سے بتایا کہ اداکار سشانت کی موت کی وجہ قتل یا منشیات نہیں بلکہ خودکشی ہے۔ سشانت کے ٹیسٹ میں جسم کے اندر منشیات کی موجودگی بھی ثابت نہیں ہوئی۔ سشانت کی لاش کا فرانزک ایگزائمن کرنے کے لیے 7 رکنی ڈاکٹر کی ٹیم تشکیل دی گئی تھی۔


یہ  پڑھیں : دپیکا، سارہ اور شردھا نے ڈرگ پارٹیز میں شرکت کا اعتراف کرلیا


سشانت کیس میں ہر گزرتے دن کے ساتھ پیشرفت سامنے آرہی ہیں، تحقیقات کے دوران بالی ووڈ میں منشیات کے استعمال اور خرید و فروخت کے حوالے سے بھی شواہد ملے تھے جس کے بعد نیشنل نارکوٹکس بیورو نے سشانت کی گرل فرینڈ ریا چکروتی کو اُن کے بھائی سمیت گرفتار کرلیا تھا۔


یہ خبر  پڑھیں : سشانت خودکشی کیس میں ڈرامائی موڑ، ریا چکروتی گرفتار


منشیات کیس میں صف اول کی اداکاراؤں دپیکا پڈوکان، سارہ خان اور شردھا کپور کے علاوہ دیگر فنکاروں سے بھی پوچھ گچھ کی گئی ہے جب کہ سشانت کے اہل خانہ اس معاملے کو خودکشی کے بجائے قتل کے طور پر دیکھتے آئے ہیں۔


واضح رہے کہ سشانت سنگھ رواں برس 14 جون کو اپنے کمرے میں مردہ حالت میں پائے گئے تھے۔ اُن کی پھندا لگی لاش ملنے کے باوجود اس معاملے میں قتل اور منشیات کے استعمال پر بھی تفتیش کی جارہی ہے۔

منال خان پر فوٹو شوٹ کی ویڈیو وائرل ہونے کے بعد شدید تنقید

 




اداکارہ منال خان فوٹوشوٹ کے دوران ایک ویڈیو وائرل ہونے کے بعد سوشل میڈیا پر تنقید کی زد میں ہیں۔

منال خان کا شمار پاکستان شوبز انڈسٹری کی نہ صرف مقبول اداکاراؤں میں ہوتا ہے بلکہ وہ سوشل میڈیا پر بھی کافی سرگرم رہتی ہیں۔ ان دنوں منال خان کے دو ڈرامے ’’جلن‘‘ اور ’’نند‘‘ لوگوں میں کافی پسند کیے جارہے ہیں اور لوگ ان کی اداکاری کی تعریف بھی کررہے ہیں۔

تاہم حال ہی میں ایک فوٹوشوٹ کے سیٹ سے ان کی ایک ویڈیو وائرل ہوگئی جس میں ان کا لیٹنے کا انداز لوگوں کو ایک آنکھ نہیں بھایا اور لوگوں نے ان پر تنقید کرنی شروع کردی۔

ویڈیو میں منال خال اور ماڈل حسین لہری کسی برانڈ کے فوٹوشوٹ کے لیے موجود ہیں اور منال خان سیٹ پر لیٹی ہوئی ہیں۔ لوگ ان کے لیٹنے کے انداز پر کافی تنقید کررہے ہیں۔ کچھ لوگوں نے انہیں فوٹوشوٹ کے سیٹ پر مردوں کی موجودگی میں بڑے آرام سے لیٹنے پر بیغیرت قرار دیا تو کسی نے کہا کہ پاکستانی فلم انڈسٹری بالی ووڈ کی طرف جارہی ہے۔

ایک صارف نے منال خان کو شرم دلائی جب کہ ایک صارف نے کہا کہ ان کے والدین کو اپنی بیٹیوں کو ایسے دیکھ کر افسوس نہیں ہوتا۔ منال خان کی ایک مداح نے انہیں اس انداز میں دیکھ کر افسوس کا اظہار کرتے ہوئے کہا ان سے یہ امید نہیں تھی۔

عائشہ عمر کی متنازع تصویر سامنے آنے پر سوشل میڈیا صارفین برہم

 




اداکارہ عائشہ عمر نے انسٹاگرام پر اپنی ایک متنازع تصویر شیئر کی  ہے جس کے بعد سوشل میڈیا صارفین نے اداکارہ پر برہمی کا اظہار کیا ہے۔

مقبول ڈرامہ سیریل ’’بلبلے‘‘ کی اداکارہ عائشہ عمر اکثر اپنے لباس اور بیانات کی وجہ سے خبروں کی زینت بنی رہتی ہیں لیکن اس بار اُن کی جانب سے انسٹا گرام کی اسٹوری میں متنازع تصویر کی گئی جس میں وہ ساڑھی زیب تن کیے نظر آرہی ہیں تاہم اس نامناسب تصویر پر سوشل میڈیا صارفین نے اداکارہ کو آڑے ہاتھوں لے لیا۔

سیدہ شفقت نے برہمی کا اظہار کرتے ہوئے کہا کہ ایسے لباس پر مکمل پابندی عائد ہونی چاہیے جو ہماری ثقافت حصہ نہیں، یہ لوگ اس طرح کے لباس زین تن کرکے میڈیا پر اسلامی جمہوریہ پاکستان کی نمائندگی کررہے ہیں۔

منتشیٰ نامی صارف نے لباس پر شدید الفاظ میں تنقید کرتے ہوئے کہا کہ ہمارا ملک پاکستان اسلامی ملک ہے آسٹریلیا، امریکا یا لندن نہیں، کوئی شرم نہیں کوئی لحاظ نہیں، یہ لوگ نجانے خود کو کیا سمجھنے لگ گئے ہیں، آخر ایک دن سب کو مٹی میں ہی جانا ہے، کیا فائدہ ایسے فیشن کا جو آخرت خراب کردے۔

صارف کنول احمد نے کہا کہ خوبصورتی کا یہ مطلب نہیں کہ آپ خود کو عیاں کریں لیکن عائشہ عمر ہمیشہ ایسا لباس ضرور پہننے کی کوشش کرتی ہیں جس سے جسم نمایاں ہو،  اسے خوبصورتی نہیں کہتے۔

سب جانتی ہوں اصل ماجرہ کیا تھا۔۔۔کیا رابی پیرزادہ نے اپنی ویڈیو خود ہی وائرل کی تھیں؟ حریم شاہ کے ساتھ نظرآنے والی ٹک ٹاک سٹار سندل خٹک ناقابل یقین ثبوت کے ساتھ منظر عام پر

مائیکرو بلاگنگ ویب سائٹ ٹوئٹر پر رابی پیرزادہ نے اپنی ویڈیو پھیلانے اور جان بوجھ کر اپنی غیر اخلاقی ویڈیوز بنانے والے اداکار اور گلوکار وں کو بد دعا دی تو ٹک ٹاک سٹار صندل خٹک بھی چپ نہ رہیں ،گلو کار ہ کو کھری کھری سنا دیں . تفصیل کے مطابق .



سوشل میڈ یا ایک ویڈیو سامنے آئی جس میں خانہ کعبہ کے سامنے کھڑے ہو کر رابی پیرزادہ نے کہا کہ آج میں خانہ کعبہ کے سامنے آپ کو بتا رہی ہوں.جس نے میری ویڈیو لیک کی جس نے میری ویڈیو سیو کی جس نے میری ویڈیو پھیلائی.اللہ جانتا ہے میری ایسی کوئی خواہش نہیں تھی.انشااللہ وہ دنیا میں اور آخرت میں عبرت کا نشانہ بنے گے.اپنے آفیشل اکاونٹ سے رابی پیرزادہ کا کہنا تھاکہ وہ تمام اداکار اور گلو کار بھی جہنم میں جائیں گے جو اپنی شہرت حاصل کرنے کے لیے اپنی ویڈیوز جان بوجھ کر لیک کرتے ہیں .جوابی ٹوئٹ میں صندل خٹک نے رابی پیرزادہ کو کہا کہ ایسا کام ہی نہ کریں کہ دوسروں کو بددعائیں دینی پڑیں،ایسا کام ہی نہ کریںکہ دوسرے لوگوں کو بد دعائیں دینی پڑیں تمہاری یہ بد دعائیں تمہیں ہی لگیں گی ابھی بھی negativity ہے تم میں سدھری نہیں ہو، ابھی بھی خانہ کعبہ کے سامنے کھڑے ہو کر ان کو بد دعا دے رہی ہو جن کا قصور بھی نہیںقصور خود کا اور بد دعاے دوسروں کو .واضح رہے کہ گلوکارہ رابی پیرزادہ نے اپنی ویڈیو لیک کرنے والوں کو بد دعا دے دی.سوشل میڈ یا ایک ویڈیو سامنے آئی جس میں خانہ کعبہ کے سامنے کھڑے ہو کر رابی پیرزادہ نے کہا کہ آج میں خانہ کعبہ کے سامنے آپ کو بتا رہی ہوں.جس نے میری ویڈیو لیک کی جس نے میری ویڈیو سیو کی جس نے میری ویڈیو پھیلائی.اللہ جانتا ہے میری ایسی کوئی خواہش نہیں تھی.انشااللہ وہ دنیا میں اور آخرت میں عبرت کا نشانہ بنے گے.اپنے آفیشل اکاونٹ سے رابی پیرزادہ کا کہنا تھاکہ وہ تمام اداکار اور گلو کار بھی جہنم میں جائیں گے جو اپنی شہرت حاصل کرنے کے لیے اپنی ویڈیوز جان بوجھ کر لیک کرتے ہیں .

جرمن اداکارہ کااپنا ملک چھوڑ کر مستقل طورپر پاکستان میں رہنے کا فیصلہ


جرمن سے تعلق رکھتے والی معروف ماڈل و اداکارہ لیلیٰ داستان کو پاکستان سے عشق ہوگیا ہے، وہ کہتی ہیں کہ میں تین ماہ قبل پہلی بار فیشن شو میں کیٹ واک کے لیے پاکستان آئی تو یہاں کی ثقافت، کلچر اور لوگوں کا پیار دیکھ کر حیران رہ گئی . اداکارہ لیلیٰ داستان نے کہا کہ اس کے بعد میں نے فیصلہ کیا کہ اب مجھے اسی ملک میں رہنا ہے، میں نے قلیل عرصہ میں کچھ فیش شوز میں کیٹ واک میں حصہ لیا تو مجھے بہت اچھا لگا، میں پاکستانی دل کش ملبوسات کی دیوانی ہوگئی .


جرمن اداکارہ لیلیٰ داستان ہے ایک سوال کے جواب میں جنگ کو بتایا کہ میں ان دنوں ایک پاکستانی فلم میں کام کررہی ہوں، جاوید شیخ، معمر رانا اور شہروز سبزواری کے ساتھ کام کرنے میں بہت مزا آیا اور ان سے بہت سیکھنے کا موقع ملا.لیلیٰ داستان نے مذید بتایا کہ میں جرمنی میں پیدا ہوئی، الحمداللّٰہ مسلمان ہوں، پاکستانی ڈرامے اور فلمیں شوق سے دیکھتی ہوں، ان دنوں اردو سیکھ رہی ہوں، مجھے اردو زبان بہت اچھی لگتی ہے، میں نے سنیما میں پاکستانی فلمیں دیکھی ہیں.انہوں نے کہا کہ مجھے جوانی پھر نہیں آنی، رانگ نمبر اور سپر اسٹار بہت اچھی لگی، مجھے استاد نصرت فتح علی خان، عاطف اسلم، راحت فتح علی خان کا سپر گانا ’محبت بھی ضروری تھی‘ بے حد پسند ہے.پاکستانی فن کارہ ماہرہ خان، ہانیہ عامر، مہوش حیات، فواد خان اور ہمایوں سعید کی اداکاری نے بہت متاثر کیا.میں نے اب مستقل کراچی میں رہنے کا فیصلہ کرلیا ہے ، مجھے معروف ڈراما پروڈیوسر سراج الحق بہت سپورٹ کررہے ہیں.مجھے عالمی دنیا کو پیغام دینا ہے کہ پاکستان ایک پُرامن اور سلامتی والا ملک ہے، یہاں بسنے والے لوگ بہت پیار کرتے ہیں اور اسی وجہ سے میرا پاکستان میں رہنے کا پروگرام بنا.

بھارتی پنجابی فلموں کے معروف ترین اداکار اور گلوکار چپکے سے پاکستان پہنچ گئے اور کسی کو خبر ہی نہ ہوئی



لاہور (نیوز ڈیسک )بھارتی پنجابی فلموں کے معروف اداکار اور گلوکار ” گیپی گریوال “ پاکستان پہنچ گئے ہیں اور انہوں نے ننکانہ صاحب کا دورہ کیا ۔نجی ٹی وی اے آر وائے نیوز کے مطابق بھارتی پنجابی فلموں کے اداکار اور گلوکار گیپی گریوال واہگہ بارڈر کے راستے پاکستان پہنچ گئے ہیں جس کے بعد انہوں نے ننکانہ صاحب گوردارے میں مذہبی رسومات ادا کیں ۔ گیپی گریوال اپنے دورہ پاکستان کے دوران مختلف مذہبی مقامات کا دورہ کریں گے جبکہ ان کا کرتار پور راہداری جانے
کا بھی امکان ہے ۔گیپی گریوال پنجاب گانوں میں اپنی منفرد شہرت رکھتے ہیں جبکہ ان کو اداکاری کے میدان میں شہرت مزاحیہ فلم ” کیری آن جٹا “ سے ملی جس میں انہوں نے اپنے کردار کو امر کر دیا ۔ گیپی گریوال ” سپنا ہی ہو گیا ایں “ اور بالی ووڈ کے گانے ” انگریزی بیٹ تے “ کو بے پناہ شہرت ملی ، اس گانے میں ہنی سنگھ نے بھی ان کا ساتھ دیا ۔ کچھ عرصہ قبل ان کی معروف فلم ” منجے بسترے “ بھی ریلیز ہوئی جس میں وہ ایک شادی کی تقریب میں شرکت کیلئے جاتے ہیں ، گیپی گریوال کی اس فلم نے بھی مداحوں کی توجہ حاصل کرنے میں کامیابی حاصل کی ۔ یاد رہے کہ وزیراعظم عمران خان کی کوششوں کی بدولت کرتار پور راہداری کھولی گئی جس پر دن رات محنت کے بعد ایک شاہکار تعمیر کیا گیا ، کرتار پور راہداری سے روزانہ کی بنیاد پر بھاری تعداد میں سکھ یاتری کرتار پور گوردوارہ صاحب آتے ہیں ۔ سکھ برادری کی جانب سے وزیراعظم عمران خان کا یہ اقدام کرنے پر شکریہ بھی ادا کیا گیا