‏پاکستان لیبل والی اشاعتیں دکھا رہا ہے۔ سبھی اشاعتیں دکھائیں
‏پاکستان لیبل والی اشاعتیں دکھا رہا ہے۔ سبھی اشاعتیں دکھائیں

خبردار! فضل الرحمن کو سیریس سکیورٹی تھریٹس ہیں،وزیر داخلہ

 



سلام آباد(روزنامہ اوصاف)وفاقی وزیرداخلہ شیخ رشید احمد نے کہا ہے کہ ملک کے20سیاستدانوں کو سیریس سکیورٹی تھریٹس ہیں جن میں مولانا فضل الرحمن بھی شامل ہیں ،کچھ سیاستدانوں پر پہلےبھی حملے ہو چکے ہیں ۔میڈیا سے گفتگو کرتے ہوئے شیخ رشید احمد نے کہا کہ اس سال صرف دو خو د کش حملے ہوئے ،کچھ سیاستدانوں پر پہلے بھی قاتلانہ حملے ہو چکے ہیں ۔انہوں نے کہاکہ سی پیک کیخلاف کس تھریٹ کوکامیاب نہیں ہو نے دینگے،ملک میں سی پیک کے خلاف بہت بڑی تھریٹ ہے ، ہمیں نیکٹا کے نظام کو بہتر بنانا ہو گا ۔

عمران خان ایسی قانون سازی کرے گا کوئی کرپٹ نہیں بچے گا ،ایسا قانون بنے گا کہ کوئی پاپڑ بیلنے والوں کے اکائونٹس میں پیسے نہیں رکھ سکے گا ،منی لانڈرنگ اور کرپشن کرنے والے نہیں بچ سکیں گے،نوازشریف نے اپنی سیاست کو خود دفن کیا ۔انہوں نے کہاکہ اپوزیشن اپنے فیصلوں پرنظرثانی کرے کیونکہ کورونا تیزی سے پھیل رہا ہے ۔ووٹ کو عزت دینے کے چکر میں عوام کو موت کے منہ میں نہ پھینکا جائے ،ان سے کہتا ہوں کہ وہ ووٹ کو ضرورعزت دیں لیکن ووٹر ز کو موت کے منہ میں نہ دھکیلیں۔کورونا تیزی سے پھیل رہا ہے ،اپوزیشن لوگوں کو امتحان میں نہ ڈالیں ۔انہوں نے کہاکہ ان لوگوں کی سیاست دیکھیں یہ لوگ میڈیا میڈیا کھیل رہے ہیں ،مولانا فضل الرحمن کا کوئی سیاسی مستقبل نہیں ہے ،فضل الرحمان اس اسمبلی کو ناجائز کہہ رہے ہیں جن میں وہ صدارتی امیدوار تھے،انہوں نے کہاکہ اس وقت جو بھی ملک میں ہورہا ہے مولانا فضل الرحمن ہی اس کے ذمہ دار اور محور ہیں ،فضل الرحمن ذاتی لڑائی لڑرہے ہیں ان سے کہتا ہوں کہ وہ یہ لڑائی نہ لڑیں۔انہوں نے ایک بار پھر کہا کہ مجھے یقین ہے کہ پی ڈی ایم سینیٹ الیکشن میں ضرور حصہ لے گی ۔ایک سوال پر انہوں نے کہاکہ بھارت نے پاکستان پر حملہ کیا تو یہ اس کی آخری جنگ ہو گی ،بھارت کے مندروں میں نہ تو گھنٹیاں بجیں گی نہ وہاں گھاس اگے گی ۔

ویڈیو سکینڈل :سابق وزیر اعظم نواز شریف کو سزا سنانے والے جج ارشد ملک انتقال کر گئے ، موت کی وجہ کیا بنی ؟ جانیں


اسلام آباد(مانیٹرنگ ڈیسک)احتساب عدالت کے سابق جج ارشد ملک انتقال کر گئے ۔تفصیلات کے مطابق سابق جج ارشد ملک کو کورونا وائرس کا مرض لاحق ہونے پر نجی ہسپتال شفا ہسپتال میں داخل کرایا گیا تھا جہاں وہ وینٹی لیٹر پر تھے اور گزشتہ دو روز سے ان کی حالت شدید خراب تھی ۔تاہم جمعہ کی صبح وہ انتقال کر گئے ۔ارشد ملک کے بہنوئی وحید جاوید نے ان کی وفات کی تصدیق کی،ان کے مطابق ارشد ملک کی نماز جنازہ مندرہ میں ادا کی جائے گی


جبکہ تدفین بھی مندرہ کے گاؤں میں ہوگی۔خیال رہے کہ جج ارشد ملک نے 4 دسمبر 2018 کو العزیزیہ اسٹیل ملز کرپشن ریفرنس میں سابق وزیراعظم نواز شریف کو 7 سال قید اور جرمانے کی سزا سنائی تھی جبکہ فلیگ شپ انویسٹمنٹس سے متعلق دوسرے ریفرنس میں بری کردیا تھا۔تاہم 6 جولائی 2019 کو اسلام آباد کی احتساب عدالت کے سابق جج ارشد ملک کا ایک ویڈیو اسکینڈل سامنے آیا تھ

نیشنل سٹوڈنٹس فیڈریشن کا22ا کتوبر کو تقسیم کشمیر ،گلگت بلتستان کو صوبہ بنانے کے خلاف تحریک کا اعلان

 



راولاکوٹ (نمائندہ خصوصی ) جموں وکشمیر نیشنل سٹوڈنٹس فیڈریشن نے22ا کتوبر کو تقسیم کشمیر ،گلگت بلتستان کو صوبہ بنانے کے خلاف تحریک کا اعلان کرتے ہوئے ــ’’نیشنل یونٹی مارچ‘ لائن آف کنڑول تتری نوٹ کراسنگ پوائنٹ کی جانب لانگ مارچ کا اعلان کر دیا ، لانگ مارچ کا مقصد قابض قوتوں کو یہ پیغام دینا ہے کہ ہم کسی بھی تقسیم کے ایجنڈے اور سرحد کو تسلیم نہیں کریں گئے،

 

تحریک کودوسرے مرحلہ میں آزاد کشمیر اور گلگت بلتستان کے تمام اضلاع، تحصیلوں اور گائوںمیں ’’عوامی بیداری مہم‘‘کا آغاز کیا جائے گا، جس میں ہر گائوں میں کیمپ لگائے جائیں گے اس دوران اعلی سطحی تنظیمی وفد گلگت بلتستان کا دورہ کرے گااور وہاں کی سیاسی ، سماجی وکلاء طلبہ تنظیموں کے ساتھ ملاقاتیں کے ذریعے قومی بیانیہ کی تشکیل کی راہ ہموار کی جائے گی۔ تنظیم اپنے اس موقف کو دہراتی ہے کہ ریاست جموں و کشمیر کی تمام منتظم اکائیاں ایک وحد ت کے اجزاء ہیں اور ان کا مستقبل بھی اجتماعی مستقبل سے جڑا ہے ان خیالات کا اظہار جموں وکشمیر نیشنل سٹوڈنٹس فیڈریشن کے صدر سرار فاران مشتاق نے دیگر عہدیداران کے ہمراہ غازی ملت پریس کلب راولاکوٹ میں پریس کانفرنس سے خطاب کرتے ہوئے کیا انہوں نے کہا کہریاست جموں کشمیر اپنی تاریخ کے بد ترین قومی بحران کا شکار ہو چکی ہے ،05 اگست 2019 کو بھارتی فسطائی ریاست کی طرف سے جبری طور پر ریاست کے ایک بڑے حصے کویونین ٹیریٹری میں ظم کیے جانے کے اقدام سے لے کر گزشتہ دنوں پاکستان کی طرف سے گلگت بلتستان کو جبری صوبہ بنانے کے متعلق پالیسی بیانات اس امر کی تصدیق کرتے ہیں کہ دونو ںقابض استعماری ریاستیں ریاست جموں کشمیر کی مستقل تقسیم کے ایجنڈے پر متفق ہیں ۔علاقائی سطع پر سامنے آنے والے سیاسی سماجی اور اقتصادی حالات بالخصوص چین کے ابھرتے ہوئے کردار نے مسلہ ریاست جموں کشمیر کو ایک مختلف معروض میں داخل کر دیا ہے ،مستند تاریخی دستاویزات کی تحقیق اور مختلف ادوار میں پاکستان اور بھارت کے درمیان مسلہ کشمیر کے متعلق ہونے والی سفارتی بات چیت سے یہ حقیقت مکمل طور پر واضع ہو جاتی ہے کہ دونوں قابض ممالک ابتداء سے ہی ریاست جموں کشمیر کی مستقل تقسیم کے قائل رہے ہیں ، البتہ اختلاف اس تقسیم کی نوعیت پر رہا ہے،دوسری طرف ریاست جموں کشمیر کی عوام کو رائے شماری اور اقوام متحدہ کی قراردادوں کے مطابق حق خودارادیت دئے جانے کے نعرے کے ذریعے بے وقوف بنایا جاتا رہا ہے، ریاست جموں کشمیر کی دونوںمقبوضہ اکائیوں کا مقامی حکمران طبقہ 73 سال سے اقتدار کے حصول اور اسے محفوظ بنانے کی خاطر استعماری طاقتوں کے آلہ کار کا کردارا ادا کرتا رہا ہے ۔جموں کشمیر نیشنل سٹوڈنٹس فیڈریشن روز اول سے ہی اس نقطہ نظر کی حامل رہی ہے کہ ریاست جموں کشمیر کی آزادی عوامی انقلاب کے بغیر ممکن نہیں، خطے کا بالادست طبقہ ، قابض قوتو ں کی سہولت کاری کے علاوہ کسی بھی طرح کا قومی کردار ادا کرنے کی تاریخی صلاحیت سے عاری ہے ۔بھارت اپنے زیر قبضہ ریاستی اکائی میں گزشتہ ایک سال سے بدترین فو جی جبر مسلط کیے ہوئے ہے، سرچ آپریشنز کے نام پر ائے روز کشمیری نوجوانوں کو شہید کیا جا رہا ہے ، آبادی کا تناسب تبدیل کرنے کے لئے ڈومیسائل قانون میں ترمیم کرتے ہوئے لاکھوں بھارتی شہریوںکو ریاست میں آباد کیا جا رہا ہے۔ بھارت کے زیر قبضہ کشمیری نسل کشی کے خطرے سے دو چار ہیں، جبکہ ریاست جموں و کشمیر کی پاکستانی مقبوضہ اکائی میں سیاسی اشرافیہ الیکشن، سیاست کے گھناونے کھیل میں مصروف ہے ۔ ایسے میں پاکستان کی طرف سے گلگت بلتستان کو صوبہ بنانے کے حوالے سے پالیسی بیانات واضح ثبوت ہیں کے ریاست کی مستقل تقسیم اور لائن آف کنٹرول کو مستقل سرحد بنائے جانے کے منصوبہ پر عمل در آمد کا آغاز ہو چکا ہے۔ اس قومی سیاسی معروض میں تنظیم نے ’’تحریک وحدت ریاست‘‘چلانے کا فیصلہ کیا ہے۔ اس تحریک کو مرحلہ وار طریقہ سے آگے بڑھایا جائے گا۔ پہلے مرحلہ میں 22اکتوبر کو لائن آف کنٹرول تیتری نوٹ کراسنگ پوائنٹ کی جانب ـ’’National Unity March‘‘ کیا جائے گا، جس کا مقصد 22اکتوبر 1947ء کے غیر ملکی حملہ اور اس کے نتیجہ میں تقسیم ریاست کے آغاز اور سیز فائر لائن (لائن آف کنٹرول ) جیسی خونیں لکیر کھینچے جانے کے خلاف احتجاج کرنا اور قابض قوتوں کو واضح پیغام دینا ہے کہ ہم ایسی کسی بھی تقسیم اور سرحد کو تسلیم کرنے سے انکار کرتے ہیں۔ اس مارچ کا دوسرا مقصد لائن آف کنٹرول پر جاری دو طرفہ گولہ باری کی نتیجہ میں ہونے والے دو طرفہ جانی و مالی نقصان کے خلاف صدائے احتجاج بلند کرنا اور عالمی برادری کو ان کی ذمہ داری کا احساس دلانا ہے۔ مارچ کا مقصد قومی ایکتا و جڑت کے پیغام کو تمام اکائیوں تک پہنچانا اور تقسیم کی ہر شکل اور منصوبہ کو بے نقاب کرنا ہے۔،نیشنل یونٹی مارچ کا مقصد گلگت بلتستان کو صوبہ بنانے کے حوالے سے پاکستانی ریاست کی سازشوں کو عوام کے سامنے لانا ہے، تنظیم گلگت بلتستان کے حوالہ سے یہ مطالبہ کرتی ہے کہ گلگت بلتستان کے عوام کے حق حکمرانی کو تسلیم کرتے ہوئے مقامی با اختیار حکومت قائم کی جائے اور گلگت بلتستان کے آزادی پسندوں کی جانب سے گزشتہ دنوں جاری کردہ موقف کی حمایت کرتی ہے کہ آزاد کشمیر و گلگت بلتستان کی با اختیار حکومتوں پر مشتمل مشترکہ سینٹ کا قیام عمل میں لایا جائے۔

عشق حقیقی۔۔۔کس کتاب سے متاثر ہوا۔۔؟ وزیراعظم عمران خان کے انکشافات،نواجوانوں کیا تلقین کی ؟ جانیے

 


اسلام آباد (نیوز ڈیسک) وزیراعظم عمران خان کی طرف سے اپنے پرستاروں بلخصوص نوجوانوں کو مشہور زمانہ کتاب ’محبت کے چالیس اصول‘ پڑھنے کی تلقین کی گئی ہے ۔ اس حوالے سے تفصیلات میں بتایا گیا ہے
کہ مائیکرو بلاگنگ پلیٹ فارم ’انسٹاگرام‘ پر شیئر کی گئی اپنی ایک پوسٹ میں وزیراعظم عمران خان نے کہا کہ اس اکتوبر میں اپنے نوجوانوں سے کہتا ہوں وہ ایلف شفق کی کتاب ’محبت کے چالیس اصول‘ ضرور پڑھیں ، جو کہ عشق حقیقی پر ایک بہت ہی پراثر کتاب ہے ۔وزیراعظم عمران خان نے لکھا کہ اس کتاب میں صوفی ازم، مولانا محمد جلال الدین رومی اور ان کے مرشد شمس تبریزی پر گفتگو کی گئی ہے، میں نے کتاب چند سال قبل پڑھی تھی اور اس سے بہت زیادہ متاثر ہوا تھا ۔


وزیراعظم عمران خان کی آج سالگرہ ہے

 


اسلام آباد (مانیٹرنگ ڈیسک)وزیراعظم عمران خان آج اپنی سالگرہ منا رہے ہیں۔ جبکہ بطور وزیراعظم عہدہ سنبھالنے کے بعد ان کی یہ تیسری سالگرہ ہے۔ پارٹی کارکنان کی جانب سے ملک بھر کے مختلف شہروں میں عمران خان کی سالگرہ کی تقریبات ہوئیں اور کیک کاٹے گئے۔وزیراعظم عمران خان کی سالگرہ پر ملک بھر میں ان کے
کارکنان اور پارٹی رہنما کیک کاٹیںگے،اس کے ساتھ ہی سماجی رابطے کی ویب سائٹ ٹویٹر پر “ہیپی برتھ ڈے خان صاحب” اور “ہیپی برتھ ڈے پی ایم آئی کے” بھی ٹاپ ٹرینڈز بن چکے ہیں۔ٹویٹر پر صارفین وزیراعظم عمران خان کو سالگرہ کی مبارکباد پیش کر رہے ہیں۔ایک صارف نے وزیراعظم عمران خان کو دعائیں دیں اور کہا ہے کہ اللہ آپکو ملک کو معاشی بحران، اندرونی خطرات اور غربت سے پاک کرنے کا مشن کامیاب کرے۔براہ کرم پاکستان کو دنیا کا بہترین ملک بنانے کے لئے جدوجہد جاری کریں۔وفاقی وزیر علی زیدی نے 2002 کی الیکشن مہم کی یادگار تصویر شئیر کرتے ہوئے عمران خان کو سالگرہ کی مبارکباد دی


مریم نوا ز کامستقبل تاریک ،مولانافضل الرحمٰن جیل جائیں گے ،امریکہ اوربھارت گلگت بلتستان میں کیاکھیل کھیلنے والے ہیں

 

اسلام آباد(مانیٹرنگ ڈیسک )معروف روحانی شخصیت پیرپنجرسرکار نے کہاہے کہ مریم نواز نے فی الحال کبوترکی طرح آنکھیں بندکی ہوئی ہیں یہ اپنے والد کی وطن واپسی تک خاموش رہے گی جب نواز شریف وطن واپس آئیں گے تویہ فو ج اورعمران حکومت کے خلاف کھل کربولے گی ۔مریم نواز کرسی کے لیے اپنے والد اورچچاکی قربانی دینے سے بھی دریغ نہیں کرےگی۔حکومت کاشہباز شریف کوگرفتارکرنے کاکوئی منصوبہ نہیں تھااس نے اپنی درخواست خود واپس لی ۔

پاکستانی عوام کالوٹاہوایک ایک دھیلایہ واپس کریں گے۔یہ لوگ جتناشورشراباکرلیں ان کی دال نہیں گلے گی ۔یہ لوگ پاکستان کے وفادارنہیں ۔یہ مودی امریکہ اسرائیل کوخوش کرنے کے لیے کام کررہے ہیں۔گلگت بلتستان کے لوگ باشعور اورباضمیرہیں۔بھارت ٹوٹ رہاہے ،مودی اپنی جان بچانےکے چکرمیں ہے میں چھ سال سے کہہ رہاہوں کہ مودی قتل ہوااس کواپنے لوگ قتل کریں گے اورملبہ پاکستان پرڈال دیں گے۔گلگت بلتستان الیکشن میں مودی اورامریکہ ڈرامہ رچائیں گے اوروہاں جنگ چھڑ جائیگی ۔اگر ان کاڈرامہ ثابت نہ ہوتومیں آئندہ پیش گوئیاں نہیں کروں گا۔گلگت بلتستان کے لوگ باشعوراورباضمیر لوگ ہیں یہ علاقہ عمران خان کی جاگیرہے۔شہباز شریف کوسزاہوگی اوریہ نااہل بھی ہوگا۔یہ 62اور63کی ذرمیں آئیں گے ،جہاں تک بات ہے مولاناکی توزرداری اورنواز شریف مولاناکودھوکادیں گے ان لوگوں نے مولاناکوگھیرلیاہے وہ بھی نااہل ہوگااوراس کوسزاہوگی اس کے علاوہ جتنے بھی بولنے والے ہیں ان کی بولتی بندہوجائےگی۔

دو انتہائی خطرناک،مطلوب دہشتگردوں کوہلاک کردیا گیا،ان کے سر کی قیمت کتنی مقرر کی گئی تھی؟جانئے


ڈیر ہ اسماعیل خان(این این آئی ) ضلع ٹانک میںسی ٹی ڈی پولیس کی بڑی کاروائی، دو انتہائی خطرناک،مطلوب دہشتگردوں کوہلاک کردیامارے گئے ایک دہشتگرد کے سر کی قیمت5لاکھ روپے مقرر تھی، آر پی او ڈیرہ کی کامیاب کاروائی پر سی ٹی ڈی اہلکاروں کو شاباش ۔ پولیس ذرائع کے مطابق سی ٹی ڈی پولیس نے دوران چیکینگ دو موڑسائیکل سواروں کو رکنے کا اشارہ کیا جنہوں نے رکنے کی بجائے پولیس پر اندھا دھند فائرنگ شروع کر دی اور موقع سے فرار ہونے کی کوشش کی جس پر CTDپولیس نے ان کا تعاقب کیا اور فائرنگ کے تبادلہ کے نتیجہ



میں دونوں دہشتگرد موقع پر ہی ہلاک ہو گئے۔جنکی شناخت جہانزیب عرف جھنگی ولد امان گل قوم بھٹنی سکنہ ابا خیل اور اول خان ولد امان گل قوم بھٹنی سکنہ ابا خیل کے نام سے ہوئی دہشتگردوں کے قبضہ سے اسلحہ آتشیں وبھاری مقدار میں ایمونیشن بھی برآمد ہوا۔واضح رہے کہ مجرم اشتہاری اول خان کے سر کی قیمت 5لاکھ روپے مقرر کی گئی تھی۔دونوں دہشتگرد عرصہ دراز سے دہشتگردی کی  مختلف کاروائیوں میں پولیس کو مطلوب تھے۔سی ٹی ڈی پولیس کی منظم کاروائی کے نتیجے میں دونوں دہشتگرد موقع پر ہلاک ہوئے۔ریجنل پولیس آفیسر ڈیرہ رینج فلائیٹ لیفٹیننٹ (ر) سید محمد امتیاز شاہ نے سی ٹی ڈی پولیس کو کامیاب کاروائی کرنے اور انتہائی مطلوب دہشتگردوں کے ہلاک کرنے پر شاباش دی اور مزید اسی حوالے سے کہا کہ پولیس فورس اسی طرح شر پسند عناصر کے خلاف اپنی کاروائیاں بھر پور انداز میں جاری رکھیں گی اور شر پسندوں اور دہشتگردوں کے ساتھ کسی قسم کی رعائیت نہیں برتی جائے گی۔





کراچی(نیوز ڈیسک ) وزیراعظم عمران خان نے عالمی اقتصادی فورم کے سالانہ اجلاس کی سائڈ لائن پر دنیا کی بڑی ڈیجیٹل اور ٹیکنالوجی کمپنیز، فیس بک اور یوٹیوب، کے اعلیٰ عہدیداران سے ملاقات کی۔ڈان اخبار کی رپورٹ کے مطابق عمران خان نے فیس بک کی چیف آپریٹنگ آفیسر شیرل سینڈ برگ اور یوٹیوب کی چیف ایگزیکٹو آفیسر سوسین ووجیسکی سے ملاقات کی۔عالمی اقتصادی فورم کی سائڈ لائن پر ہونے والی اس ملاقات میں وزیراعظم نے ٹیکنالوجی کمپنیوں کو
پاکستان میں سرمایہ کاری کرنے کی دعوت دی۔انہوں نے فیس بک سے کہا کہ وہ پاکستانی انکیوبیٹرز کی مدد کے لیے سرمایہ کاری پر غور کرے اور ڈیجیٹل خواندگی کے اقدامات میں مدد کرے۔اس حوالے سے جاری اعلامیے کے مطابق وزیراعظم نے کہا کہ زیادہ ذمہ دار ڈیجیٹل صحافت کے لیے سوشل میڈیا پیلٹ فارمز کو تھرڈ-پارٹی فیکٹ چیکنگ سروسز (تیسرے فریق کی جانب سے حقائق کی جانچ پڑتال کی خدمات) قائم کرنی چاہئیں۔اس دوران شیرل سینڈ برگ نے وزیراعظم عمران خان کو فیس بک ہیڈ کوارٹرز کا دورہ کرنے کی دعوت دی۔مذکورہ ملاقات میں وزیراعظم کے معاون خصوصی سید ذوالفقار عباس بخاری، سفیر علی جہانگیر صدیقی، اسٹیٹ بینک کے گورنر رضا باقر اور ڈیجیٹل پاکستان کی سربراہ تانیہ ایدروس بھی شریک تھیں۔علاوہ ازیں عمران خان نے یوٹیوب کی سی ای او سوسین ووجیسکی سے بھی ملاقات کی، جس میں پاکستان کی بہتر تصویر کی عکاسی کے لیے ڈیجیٹل پلیٹ فامز کے استعمال پر تبادلہ خیال ہوا۔پاکستانی وفد نے ڈیجیٹل پلیٹ فامز کے ذریعے سیاحت، تعلیم کے فروغ اور سرمایہ کاری کو متوجہ کرنے کے امکانات پر تبادلہ خیال کیا۔واضح رہے کہ یہ تبادلہ خیال اس ملاقات کے بعد ہوا، جس میں کچھ روز قبل اسلام آباد میں وزیراعظم عمران خان نے یوٹیوب اور ڈیجیٹل پبلشرز پر اثرو رسوخ رکھنے والوں سے ملاقات کی تھی۔اس ملاقات میں ڈیجیٹل میڈیا کے شعبے میں نوجوانوں کے لیے مواقع، چیلینجز اور ان کے حل پر گفتگو کی گئی تھی۔دریں اثنا وزیراعظم کے فوکل پرسن برائے ڈیجیٹل میڈیا ارسلان خالد کے مطابق یوٹیوب اور فیس بک عہدیداروں سے ملاقاتیں ٹیکنالوجی کمپنیوں کے ڈیجیٹل زیر اثر پاکستان کو وسعت دینے کے حکومتی ایجنڈے کے مطابق تھیں۔انہوں نے ڈان کو بتایا کہ وزیراعظم ڈیجیٹل میڈیا انڈسٹری میں انقلاب لانے اور معیشت کو اس کے گرد قائم کرنے کے لیے پرعزم ہیں تاکہ اس سے نوجوانوں کے لیے مزید نوکریاں پیدا کی جاسکیں۔